Main paagalnahin hun !!

Kabhi
Chupke se
aa kar
miree Gardan par
Thandi lagaao
aur phir garmi...

Suno na
n Kalidas hun main..
aur
n Meera Ji
n hona chata hun main

miree Khwahish..
main Jeena chahta hun..
zindagi ko
roop me.n uske..
main
apne aap se..
Baahar nikal kar
Choo sakun tumko..
Aur aa kar apne andar
Ji sakun tumko..

Ye kya Taqleef hai mujhko..
kabhi aao
mujhe baahar nikalo
is Aziyat se...

to KAISI shayari ??
gar tum nahin janaN !!

sabhi vedon ke Shayar
shayari me.n..
Prathna karte the
Jeevan ki..
Wo dharti maangte the..
Ped.. 
   Paudhe..
          Phool..
              Titali...

agar maksad
Yahi hai Shayari ka..
to MAIN KYO??
shayari ki aarzo me.n..
zindagi tukraau..

Ye jitne..
ART ke maaren hain..
Shayar hain
Musavvir hain..
Ye Pagal hain !!
Ye jitne..ART ke maaren hain..
Shayar hain Musavvir hain..
Ye Pagal hain !!
Nashe me.n Hosh ke hain..
Aur Kuch...
Behosh hain janaN !!

Sambhaale Kab sambhalta hai..
jo unke daamnon me.n..
Raushani ka ras barsta hai...
Yun lagta hai..
kisi Sadiyon puraane..
Sraap se Srapit hain..
Ye sab art ke maare...
bhatakten hain..
Azal se..
aur Abad tak..
Bhatakna unki kismat hai..
Main is Awargi se
thak chuka hun..
aur behoshi ke aalam se
niklna chata hun..
Tumse milna chata hun..
Main Shayar hun.
                       Maga Pagal nahi..
Kah do kabhi aakar
"Mire Masto..
         Mire Gaurav ho tum.."
:
:
.
Magar Main Janta hun..
tum
n aaoge
mujhe Yun hi ..
Nashe me.n Hosh ke..
Behosh Jeena hai...
Bhatakna hai...

Mujhe bhi..Sraap se Mukti nahin Mumkin !!







-Masto Gaurav Srivastava